Nagpatuman og water rationing activity ang mga personahe sa Dapitan City Fire Station isip tubag sa panginahanglan sa suplay sa tubig sulod sa dakbayan, kaniadtong Enero 3, 2026.
Ang kalihokan gipangulohan ni Acting City Fire Marshal FSINSP Rommel M. Rojas, REE, aron masiguro nga adunay igo nga tubig ang mga importanteng operasyon sa gobyerno.
Ang maong kalihokan gihimo sa pakigtambayayong sa City Engineer’s Office sa Dapitan City, diin gihatagan og prayoridad ang mga pasilidad ug ahensiyang naghatag og batakang serbisyo sa katawhan. Pinaagi sa koordinasyon tali sa mga ahensya sa gobyerno, napaligon ang hapsay ug epektibong paghatag og tabang sa mga apektadong lugar.
Sumala sa Bureau of Fire Protection, ang inisyatiba nagpakita sa ilang padayon nga paningkamot sa pagserbisyo sa publiko ug sa pagpalig-on sa inter-agency cooperation.(IKEN B. GULLEM)
Source: BFP R9 Dapitan City Fire Station