Gimando karon ni Cebu City Mayor Nestor Archival ang pormal nga pagreview sa usa ka operasyon sa PROBE nga nag viral diin naglambigit kini sa mga vendor sa Plaza Sugbo niadtong Biyernes, Enero 2, 2026, human mosaka ang kabalaka sa publiko mahitungod sa paagi sa pagpatuman sa balaod.
Matud sa mayor, prayoridad sa Cebu City Government ang hustisya ug proteksyon sa katawhan, ilabi na sa pagpatuman sa lokal nga mga ordinansa. Giingon niya nga dili angay gamitan og sobra nga puwersa ang bisan kinsa, labi na kung adunay laing legal ug tawhanong pamaagi sa pag-enforce sa balaod.
Sa pamahayag nga gipagawas, klaro nga giingon ni Archival nga ang tanang operatiba sa dakbayan kinahanglan maglihok subay sa balaod ug may pagtahod sa katungod sa publiko.
Gisiguro usab sa mayor nga sugdan dayon ang administratibong proseso aron matino ang responsibilidad sa matag nalambigit ug aron malikayan nga mausab ang susamang insidente sa umaabot.
Source: Cebu City PIO
I via Renante Socia Lada