Balhog sa selda ang usa ka barangay konsehal diin napagawsan kini sa warrant of arrest sa paglapas sa Republic Act 9262, diin nagpahigayon ug Law Enforcement Operation sa mga kapolisan sa Dipolog City Police station didto mismo sa barangay Sta.Isabel ning dakbayan sa Dipolog kaniadtong Septembre 26, 2024 sa may alas 9:30 ang takna sa buntag.
Ang suspetsado nailhan sa Dipolog PNP nga si Ray Anthony Yu, Cadavedo,40 anyos, barangay konsehal kasamtangan nanimuyo sa Purok Central, barangay Sicayab, Dipolog City.
Nadakpan ang nahisgutang suspetsado pinaagi sa warrant of arrest sa pagsupak sa sec. 5 sa R.A. NO. 9262, ubos sa Criminal Case No. 27507 nga giisyu ni Nestor Rabulan Angeles,presiding judge of Rtc Branch 8,Dipolog City.
Kahibaloan ang nahisgutang suspetsado temporaryong makagawas tungod kay gitugutan kining makapyansa sa korte sa kantidad nga 72,000 ka Pesos.
Kasamtangan ang maong dinakpan anaa pa karon sa kostudiya sa Dipolog City Police Station alang na sa tukmang disposasyon. (Angelica T. Obina)
(Source: Dipolog Police Station)