Sikop ang usa ka wanted person nga nag atubang sa kasong qualified theft atol sa gihimo nga joint operation sa mga personahe sa kapulisan mga alas 6:10 ang takna sa kagabhion niadtong Enero 19, 2026, didto sa Mi Retiro Street, Barangay Banonong, Dapitan, Zamboanga del Norte.
Ang maong dinakpan nga wanted person naila nga si alyas “Benjie”, 26-anyos lalaki, ulitawo, walay trabaho, ug residente sa Brgy. Larayan, Dapitan City, Zamboanga Del Norte kinsa gidakop tungod sa kasong Qualified Theft (RPC ART. 310).
Ang pagkasikop sa suspek gihimo pinaagi sa operatiba sa Dapitan City Police Station uban sa mga personahe sa 5th SOU Mabuhay SBC, 901st MC, RMFB9 ug 1st MC, ZNPMFC pinasikad sa warrant of arrest nga gi-isyu ni Presiding Judge Cherry Joy Carloto Concha-Ageas, Ninth Judicial Region, RTC, Branch 10, Dipolog City nga gipetsahan ug Enero 19, 2026 nga adunay girekomendar nga piyansa nga mobalor sa Php 60,000.00.
Ang dinakpan gipahibalo sa hinungdan sa iyang pagkasikop ug katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO