Balhog karon sa prisohan homan masikop ang usa ka wanted sa kasong Attempted homicide atol sa gipatuman nga Intelligence-driven operation sa mga personahe sa kapulisan mga alas 5:20 ang takna sa kahapunon niadtong Mayo 6, 2026, didto sa Purok 1, Barangay Disakan, Manukan, Zamboanga del Norte.
Naila ang dinakpan nga wanted person nga si alyas “Jose” 33 anyos, lalaki, ulitawo, walay trabaho, ug residente sa Sitio Nipa, Barangay Disakan, Manukan, Zamboanga del Norte.
Gidakop pinaagi sa mga personahe sa Manukan Municipal Police Station pinasikad sa Warrant of Arrest sa kasong Attempted Homicide nga gi-isyu ni Hon. Veronica C. Laput, Presiding Judge sa Municipal Trial Court, 9th Judicial Region, Manukan, Zamboanga del Norte nga gipetsahan Mayo 6, 2026 nga adunay girekomendar nga piyansa nga Php 10,000.00 alang sa iyang temporaryong kagawasan.
Ang dinakpan gipahibalo sa iyang mga katungod ubos sa konstitusyon ubos sa Miranda Doctrine ug Anti-Torture Law ug karon anaa sa kustodiya sa Manukan MPS alang sa hustong dokumentasyon ug disposisyon.(MEDALYN U. BORJA)
Source: ZNPPO