Dakpan sa kapulisan ang usa ka wanted person nga nagsupak sa pagsunod sa ahente sa otoridad atol sa hiniusang manhunt operation sa Barangay Talisay, Dapitan City, Zamboanga del Norte, mga alas 6:00 ang takna sa gabii niadtong Marso 10, 2026.
Naila ang dinakpan nga wanted person nga si alyas “Bern” 45 anyos, lalaki, ulitawo, walay trabaho, ug residente sa susamang Barangay kinsa gidakop pinaagi sa mga personahe sa Dapitan City Police Station (CPS) uban sa mga operating unit sa bisa sa Warrant of Arrest nga gi-isyu ni Hon. Hilarion Jonathan Garcia Maagad, Presiding Judge, Municipal Trial Court in Cities (MTCC), Ninth Judicial Region, Dapitan City, Zamboanga del Norte, nga gipetsahan og Marso 10, 2026, alang sa pagserbisyo sa sentensya sa paglapas sa Resistance and Disobedience to an Agent of a Person in Authority ubos sa Criminal Case No. 20903.
Ang suspek gipahibalo sa hinungdan sa iyang pagkadakop ug mga katungod konstitusyon ug anaa na kini karon sa kustodiya sa Dapitan City Police Station alang sa tukmang disposisyon.(MEDALYN U. BORJA)
Source: ZNPPO