Nagtingkagol karon sa prisohan homan masikop ang usa ka wanted sa pagpangawat atol sa gipatuman nga joint manhunt operation sa mga personahe gikan sa Dapitan City Police Station (CPS) uban sa mga operating units mga alas 5:30 ang takna sa hapon niadtong Marso 10, 2026, didto sa Upper Bayanihan, Barangay Taguilon, Dapitan City, Zamboanga del Norte.
Ang dinakpan nga wanted person naila nga si alyas “Charl”, 55 anyos, minyo, ug residente sa nasangpit nga lugar kinsa gidakop pinasikad sa usa ka Warrant of Arrest alang sa krimen sa Theft ubos sa Criminal Case No. 15294 nga giisyu ni Hon. Pacifico C. Cimafranca, Presiding Judge, Municipal Trial Court, 9th Judicial Region, Dapitan City, Zamboanga del Norte, pinetsahan og Disyembre 23, 1996, nga adunay girekomendar nga piyansa nga Php10,000.00 alang sa iyang temporaryong kagawasan.
Ang suspek gipahibalo sa hinungdan sa iyang pag-aresto ug mga katungod sa konstitusyon, sa usa ka diyaleko nga iyang hingpit nga nasabtan ug anaa na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO