Balhog karon sa prisohan homan ma-aresto sa kapulisan ang usa ka 45 anyos nga wanted person atol sa gihimo nga operasyon mga alas 4:30 sa hapon niadtong Marso 10, 2026, didto sa Barangay Goleo, Sindangan, Zamboanga del Norte.
Ang dinakpan nga suspek naila nga usa ka lalaki, minyo ug residente sa Barangay Bago, Sindangan, Zamboanga del Norte nalista isip Top 8 Most Wanted Person (MWP) sa Provincial Level ug Top 1 sa Municipal Level ubos sa Enhanced E-Warrant System, kinsa gidakop pinaagi sa mga personahe sa Sindangan Municipal Police Station (MPS) pinaagi sa bisa sa Warrant of Arrest sa krimen nga Rape in Relation to RA 7610 ubos sa Criminal Case Numbers S-4555, S-4556, S-4557, ug S-4558 nga gi-isyu ni Hon. Mundlyn Geonzon Misal-Martin, Presiding Judge, Family Court, Branch 05, Ninth Judicial Region, Sindangan, Zamboanga del Norte, nga gipetsahan Hulyo 23, 2025 nga walay piyansa .
Ang suspek gipahibalo sa iyang mga katungod sa konstitusyon ug gidala sa Sindangan Municipal Police Station alang sa dokumentasyon ug hustong disposisyon samtang naghulat sa pag-isyu sa Commitment Order gikan sa Korte.(MEDALYN U. BORJA)
Source: ZNPPO