Dakpan ang usa 52 anyos nga tindera atol sa gihimo nga buy bust operation mga alas 8:10 ang takna sa gabii niadtong Marso 10, 2026, didto sa Purok 7, Barangay Poblacion East, Salug, Zamboanga del Norte.
Ang maong dinakpan naila nga usa ka babaye, minyo, vendor, ug residente sa Barangay Caracol, Salug, Zamboanga del Norte kinsa gidakop pinaagi sa mga personahe sa Salug Municipal Police Station (MPS).
Nakumpiska sa mga awtoridad atol sa operasyon ang nagkadaiyang pakete sa gituohang shabu nga adunay kinatibuk-ang gibanabanang gibug-aton nga duha ka gramo ug adunay gibanabanang street value nga Php13,600.00.
Ang nadakpang suspek gipahibalo sa hinungdan sa iyang pagkadakop ug katungod sa konstitusyon,samtang ang mga nakumpiskang droga dad-on sa Zamboanga del Norte Provincial Forensic Unit (Liloy Satellite Office) alang sa laboratory examination.
Ang suspek dad-on sa Salug Municipal Police Station alang sa inquest proceedings ug pagpasaka sa kasong paglapas sa Sections 5 ug 11 sa Republic Act 9165 (Comprehensive Dangerous Drugs Act of 2002).(MEDALYN U. BORJA)
Source: ZNPPO