Dakpan ang usa ka wanted person sa kasong Qualified Theft atol sa gipatoman nga hiniusang manhunt operation sa mga personahe sa kapulisan mga alas 6:00 ang takna sa kagabhion niadtong Abril 29,2026 didto sa Brgy. Bagting, Dapitan City, Zamboanga del Norte.
Naila ang dinakpan nga wanted person nga si alyas “Ray” 41 anyos nga lalaki, minyo, construction worker ug residente sa Brgy. Talisay, Dapitan City.
Gidakop pinaagi sa mga operatiba sa Dapitan City Police Station, uban sa mga personahe gikan sa 1st ZNPMFC, 901st MC RMFB9 ug Mabuhay SBC 5TH SOU MG, pinasikad sa Warrant of Arrest nga gi-isyu ni Hon. Cherry Joy Carloto Concha-Ageas, Presiding Judge, RTC, Ninth Judicial Region, Branch 10, Dipolog City, Zamboanga Del Norte nga gipetsahan Abril 29, 2026 , nga adunay piyansa nga Php 60,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan. Siya karon anaa sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO