SIKOP sa mga otoridad ang usa ka Wanted Person sa kasong Frustrated Murder , sa gipahigayong law enforcement operation didto sa Purok Tongkaka, Brgy San Francisco, Sergio Osmeña, Zamboanga Del Norte mga alas 11:30 sa buntag niadtong Marso 3, 2024.
Giila ang suspetsado nga si Victor Andoy Aclon nga nag atubang sa krimen nga Frustrated Murder.
Gisikop kini sa mga personahe sa Sergio Osmeña Municipal Police Station uban sa 901st RMFB9, ug ang kaso niini adunay piyansa nga girekomendar nga mobalor sa Php 200,000 ka pesos alang sa iyang temporaryong kagawasan.
Ang dinakpan nga wanted person gipahibalo sa iyang mga katungod sa konstitusyon pareho sa Miranda Warning ug Anti-Torture, ug anaa na kini sa kustodiya sa Sergio Osmeña MPS alang sa saktong disposisyon.
(Medalyn U. Borja)
(Source: PCADU, ZNPPO)
