asikop ang usa ka Wanted person nga nag atubang sa kasong child abuse atol sa gikasa nga joint operation sa kapulisan mga alas 4:50 ang takna sa hapon niadtong Pebrero 19,2026, didto sa Brgy. Taguilon, Dapitan City, Zamboanga del Norte.
Ang maong dinakpan naila nga usa ka 60 anyos nga lalaki, minyo, mag-uuma ug residente sa Brgy. San Agustin, Sapang Dalaga, Misamis Occidental kinsa gidakop tungod sa paglapas sa PD 603 in relation to RA 7610 o ang “Special Protection of Children Against Abuse, Exploitation and Discrimination Act”.
Ang pagdakop sa suspek gihimo pinaagi sa mga operatiba sa Dapitan City Police Station uban sa mga personahe sa 1st ZNPMFC, 5th SOU MABUHAY SBC, 97th IB, 901st RMFB9 pinaagi sa warrant of arrest nga gi-isyu ni Hon. Rogelio D Laquihon, Presiding Judge, RTC, Branch 7, Ninth Judicial Region, Dipolog City, Zamboanga Del Norte nga gipetsahan Disyembre 29, 2015 nga gi-docket ubos sa CC Nr. 19619 nga adunay girekomendar nga piyansa nga mokabat sa Php 80,000.00.
Ang dinakpan gipahibalo sa hinungdan sa iyang pagkadakop ug mga katungod konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO