Arestado ang usa ka wanted person nga nag atubang sa kasong Cybercrime atol sa gipatuman nga Simultaneous Anti-Criminality Law Enforcement Operation sa mga tigpatuman sa balaod mga alas 8:15 niadtong Pebrero 19, 2026 didto sa Purok 5, Barangay Sta. Isabel ning dakbayan sa Dipolog.
Ang maong dinakpan naila nga si alyas Flor , 27 anyos, babaye, virtual assistant ug residente sa Sitio Lawag, Barangay Galas, syudad sa Dipolog.
Ang pagkasikop gihimo pinaagi sa mga personahe sa Dipolog City Police Station (CPS), uban sa koordinasyon sa 5th SOU PNP-MG ug ZDN MARPSTA, pinasikad sa Warrant of Arrest tungod sa paglapas sa Section 4 (C) (4) sa Republic Act 10175 (Cybercrime Prevention Act of 2012), nga naa sa Criminal Case No. 203-2026-DPL. Ang warrant gi-isyu ni Hon. Jose Rene Gallemit Dondoyano, Presiding Judge, Regional Trial Court, 9th Judicial Region, Branch 6, Dipolog City, nga gipetsahan Pebrero 18, 2026, nga adunay girekomendar nga piyansa nga Php 48,000.00.
Ang dinakpan anaa karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: ZNPPO