Nahuman na niadtong Disyembre 16, 2025 ang Visitation Area ug Bleacher Project sa Siocon District Jail ubos sa liderato ni Acting Jail Warden JSINSP Achmed Aziz A. Pia. Ang proyekto nagtanyag og mas luwas, organisado, ug komportableng lugar alang sa mga bisita ug mga persons deprived of liberty.
Ang bag-ong pasilidad gitumong sa pagpaayo sa kahimtangan sa oras sa pagbisita, nga naghatag og mas hapsay ug matinahuron nga palibot alang sa pakigkita sa mga PDL ug ilang mga pamilya.
Sumala sa administrasyon sa Siocon District Jail, ang maong proyekto kabahin sa padayong paningkamot sa institusyon sa pagpalambo sa mga pasilidad ug sa pagpasiugda sa maka-tawo ug pormal nga visitation system.(JENIFFER JR. DELICA)
Source/Photo Courtesy: Siocon District Jail19