Gipasidunggan ang Lokal nga Pangagamhanan sa Dipolog sa Exemplary Performance Award tungod sa talagsaong nahimo niini sa Disaster Risk Reduction and Management. Ang pasidungog nagpakita sa lig-on nga liderato ug padayong paningkamot sa siyudad sa pag-andam ug pagpanalipod sa komunidad batok sa mga katalagman.
Gihatag pormal ang award kang City Mayor Roberto Y. Uy ni OIC City Disaster Risk Reduction and Management Officer Felipe T. Magila Jr. kagahapon, Disyembre 18, 2025. Ang pag-ila misangpot sa epektibong mga programa sa siyudad nga nagpalig-on sa kahandam ug kalig-on sa komunidad, subay sa prinsipyo sa Excellence in Preparedness and Inclusive Community Resilience o EPIC.
Gihatag ang pasidungog atol sa Regional EPIC Awards Ceremony sa Asenso Convention Hall sa Pagadian City, Zamboanga del Sur, nga nagpalig-on sa reputasyon sa Dipolog City isip ehemplo sa maayong pagserbisyo ug responsableng pagdumala alang sa katawhan.(JENIFFER JR. DELICA)
Source/Photo Courtesy: DIPOLOG CITY GOVERNMENT