Mitungha ang City Disaster Risk Reduction and Management Office (CDDRMO) gikan sa Lamitan City aron motan-aw sa operasyon sa Emergency Operations Center sa City Government sa Dipolog (EOC) niadtong nilabayng adlaw.
Gipangulohan ni Oliver D. P. Torres ang delegasyon gikan sa Lamitan ug gidawat sila ni Felipe Mangila, uban ni City Administrator Valerie Hope Jauculan-Flores ug Emergency Operations Center In-Charge Bryan C. Jauculan. Gihatagan sila og orientasyon ug gisuroy sa EOC aron makita ang sistema ug pamaagi sa Dipolog.
Gipakita sa benchmarking ang importansya sa pagtinabangay ug pagpaambit og kahibalo tali sa mga lokal nga panggamhanan aron mapalig-on ang kahandam sa kalamidad ug tubag sa emerhensiya.(JENIFFER JR. DELICA)
Source/Photo Courtesy: City Government of Dipolog