Balhog karon sa prisohan ang usa ka Street Level Individual (SLI) atol sa gikasa nga joint buy-bust operation sa mga personahe sa kapulisan, mga alas 9:27 ang takna sa kagabhion niadtong, Nobyembre 11, 2025, didto sa Purok 5, Barangay Sinuyak, Katipunan, Zamboanga del Norte.
Ang maong dinakpan naila nga usa ka 39-anyos nga lalaki, ulitawo, walay trabaho, ug residente sa samang barangay, nalista isip Street-Level Individual (SLI) sa Illegal Drugs Watchlist sa Katipunan MPS.
Ang pagkasikop gihimo pinaagi sa mga personahe sa Katipunan Municipal Police Station (MPS), kauban ang mga operatiba sa 1st Zamboanga del Norte Provincial Mobile Force Company (ZNPMCC).
Nakuha gikan sa suspek atol sa operasyon mao ang gibana-banang 1.5 gramos sa gituohang shabu ug nagkadaiyang drug paraphemalia, nga gibana-banang mobalor og P10,200.00.
Ang suspek gipahibalo sa iyang mga katungod sa konstitusyon ug hinungdan sa iyang pagdakop.
Samtang ang tanang nasakmit nga mga butang gi-imbentaryo ug gisumite sa Zamboanga del Norte Provincial Forensic Unit 9 alang sa chemical examination.
Anaa na karon sa kustodiya sa Katipunan MPS ang suspek alang sa tukmang disposasyon subay sa Republic Act No. 9165 (Comprehensive Dangerous Drugs Act of 2002).(MEDALYN U. BORJA)
Source: ZNPPO