Mukabat sa 300 ka mga Barangay Tanod sa Roxas Zambonga del Norte ang mipailawom sa Peace and Order ug Enhanced Security Training, nga gipahigayon didto Evacuation Site, Sitio Bolon, Brgy. Ubos Irasan, Pres. Manuel A. Roxas, Zamboanga del Norte, gikan sa alas 9:00 buntag hangtod sa 4:30 ang takna sa kahapunon , Nobyembre 12, 2025.
Ang maong pagbansay-bansay gipasiugdahan sa Provincial Director sa Zamboanga del Norte Police Provincial Office nga si PCol Jimmy M. Laguyo, Municipal Mayor sa Pres. Manuel A. Roxas, Hon. Ismael A. Rengquijo Jr.,ug PMAJ Roger A. Bartiana, Officer-in-Charge sa Police Community Affairs and Development Unit (PCADU), PNP personnel sa Roxas Municipal Police Station, pinangulohan ni PMAJ Ronald Allan E. Tingas, Officer-in-Charge,ug sa pakigtambayayong sa Lokal nga kagamhanan sa lungsod Roxas, Zambonga del Norte.
Tumong niini nga inisiyatiba mao ang mahatagan ug gahum ang mga Barangay Tanod pinaagi sa pagpalig-on sa ilang mga kapabilidad ,kaandam panahon sa krisis, pagbantay sa kalinaw, ug kahanas sa pagpanalipod sa komunidad nga usa usab ka pamaagi nga mapa-uswag ang mas luwas, mas lig-on, ug maayong pagkaandam nga komunidad pinaagi sa koordinasyon sa Lokal nga kagamhanan , Barangay fronliners ug mga personahe sa kapulisan.(MEDALYN U. BORJA)
Source: PRES.MANUEL ROXAS MPS ZNPPO