Balhog karon sa prisohan homan masikop sa gikasa nga buy-bust operation ang usa ka Street Level Individual mga alas 4:40 ang takna sa kahapunon niadtong Nobyembre 13, 2025, didto sa Barangay Lintangan, Sibuco, Zambonga del Norte
Ang maong dinakpan naila nga usa ka 29-anyos nga lalaki, minyo, walay trabaho, ug residente sa susamang Barangay.
Ang pagkasikop sa suspek gihimo pinaagi sa mga personahe sa Sibuco Municipal Police Station (MDET), uban sa 3rd Platoon sa 901st Maneuver Company, Regional Mobile Force Battalion 9(RMFB 9).
Nakuha gikan sa suspek ang usa ka gamay nga heat-sealed sachet sa gituohang shabu isip buy-bust item, usa ka medium-sized heat-sealed sachet sa gituohang shabu nga nakuha gikan sa possession sa suspek, usa ka PHP 500 nga buy-bust money, usa ka gamay nga gipilo nga aluminum foil, ug PHP 25 nga mga sinsilyo.
Ang kinatibuk-ang gibug-aton sa mga nakumpiska nga drugas mutimbang sa 1 ka gramos, nga adunay street value nga gibana-banang PHP 6,800.
Ang nakumpiskang drugas gidala sa Regional Forensic Unit 9 sa Zamboanga City alang sa laboratory examination.
Samtang ang suspek gipahibalo sa iyang konstitusyonal nga katungod, gipailalom sa medikal ug pisikal nga eksaminasyon sa Sibuco Municipal Hospital, ug sa pagkakaron anaa sa kustodiya sa Sibuco MPS alang sa tukmang disposasyon.(MEDALYN U. BORJA)
Source: ZNPPO