Sikop ang usa ka 18 anyos nga drug suspek sa gihimo nga drug buy-bust operation sa mga personahe sa kapulisan mga alas 8:25 ang takna sa kagabhion niadtong Nobyembre 14,2025 didto sa Purok Saging, Barangay Isis, Polanco, Zamboanga del Norte.
Ang maong suspek naila nga usa 18-anyos nga lalaki, ulitawo, estudyante ug residente sa Purok Airport, Barangay Sto. Niño Polanco, Zambonga del Norte kinsa gisikop pinaagi sa mga personahe sa MDET sa Polanco Municipal Police Station.
Nakuha gikan sa drug suspek mao ang Usa ka gamay nga heat-sealed transparent plastic sachet nga adunay sulod nga puti nga kristal substance nga gidudahang shabu isip (buy-bust item); Upat ka gagmay nga heat-sealed transparent plastic sachet nga adunay sulod nga white crystalline substance nga gidudahang shabu isip (possession items); Usa Php500.00 bill, gigamit isip buy-bust money; Usa ka gilukot nga aluminum foil nga gigamit nga sudlanan sa gituohang shabu; ug Usa ka cellphone sa Vivo Y15, kolor purple ug itom.
Ang nakuhang druga gibana-bana nga mutimbang sa 1 ka gramo ang gibug-aton nga adunay street value nga Php 6,800.00
Ang mga nakumpiska nga drug items gidala sa Zamboanga del Norte Provincial Forensic Unit alang sa eksaminasyon.
Samtang, akusado gipahibalo sa hinungdan sa iyang pagdakop ug gipahibalo sa iyang Constitutional ug Miranda Rights sa usa ka diyalekto nga hingpit niyang nasabtan ug anaa na na kini karon sa kustodiya sa Polanco MPS alang sa tukmang disposasyon.(MEDALYN U. BORJA)
Source: Polanco MPS ZNPPO