Arestado ang usa ka 25 anyos nga lalaki nga nag atubang sa kasong Serious Physical Injury atol sa gihimo nga intelligence-driven operation sa mga operatiba mga alas 9:30 ang takna sa buntag niadtong Nobiyembre 13, 2025 didto sa Baybay Liloy, Zambonga del Norte.
Ang maong akusado naila nga si alyas “Mus” 25 anyos, lalaki, minyo, laborer ug residente sa Brgy. Overview, Liloy, Zamboanga del Norte kinsa gidakop pinaagi sa mga personahe sa Liloy Municipal Police Station, uban sa mga operatiba sa 2nd Zamboanga del Norte Provincial Mobile Force Company (2nd ZNPMFC) ug 901st Maneuver Company, Regional Mobile Force Battalion 9 (901st MC RMFB9).
Ang operasyon gihimo pinaagi sa warrant arrest sa krimen nga Serious Physical Injury ubos sa Criminal Case No. 3392, nga giisyu sa Presiding Judge sa MCTC Liloy-Tampilisan, 9th Judicial Region, pinetsahan og Oktubre 27, 2025, nga adunay piyansa nga P6,000.
Ang dinakpan anaa na karon sa kustodiya sa Liloy MPS alang sa tukmang disposasyon.(MEDALYN U. BORJA)
Source: ZNPPO