Nakompiska ang 3 gramus sa gituohang shabu nga mobalor sa 20,400.00, diin nasakmit sa mga otoridad atol sa gipahigayon nga Drug Buy Bust Operation nga gikasa sa Philippine Drug Enforcement Agency PDEA 9, nga hinugdang malampusong pagkasikop sa usa ka Street Level Individual didto sa Purok Silangan, Brgy. Estaka Dipolog City.
Ang suspetsadong dinakpan usa ka babaye nga giila sa alyas Neneng, 42 anyus, ug residente sa Prk. Silangan Brgy. Estaka ning siyudad , kinsa nakuhaan sa mga otoridad ug illegal nga drugang shabu nga motimbang sa 3 gramus nga nagkantidad ug ₱ 20,400.00, usa ka gamayng pakete nga adunay gituohang shabu isip buy bust evidence, usa ka inabrihang pakete nga gisudlan sa gidudahang illegal nga drogas, ug laing tulo ka mga gagmayng pakete sa shabu nga narekober gikan sa control ug possession sa maong suspek.
Apil sa nasakmit mao ang 1000, tibuok isip marked money, usa ka disposable lighter color blue.
Ang operasyon gipangunahan sa Dipolog CPS (SDET), ubos sa direktiba ni PLTCOL Edwin P. Verzon, Hepe sa Dipolog CPS, duyog sa mga law enforcement units sa Regional Drug Enforcement Unit 9, ug 5th Special Operations Unit Maritime Group – MABUHAY MSBC, ubos sa koordinasyon sa ZN PDEA 9.
Ang mga nakuha nga drug items giturn-over sa ZN Provincial Forensic Unit alang sa eksaminasyon, samtang ang dinakpan anaa na sa kustodiya sa Dipolog CPS alang sa tukmang disposasyon.(Angelica T. Obina)