Balhog karon sa prisohan homan masikop ang usa ka senior citizen nga wanted sa kasong paglapas sa PD 705 atol sa gipatuman nga joint manhunt operation sa mga tinugyanan sa balaod niadtong Hunyo 18, 2026, mga alas 2:15 ang takna sa hapon didto sa Brgy. Sulangon, Dapitan City.
Naila maong dinakpan nga si alyas “Lita”, 60-anyos, babaye, minyo, walay trabaho ug residente sa Barangay Taguilon, Dapitan City, Zamboanga del Norte,kinsa gibilanggo tungod sa kalapasan sa PD 705 ubos sa criminal case no. 21157, pinaagi sa mga operatiba sa Dapitan City Police Station uban sa 1st ZN PMFC, 901st MC RMFB9 ug Mabuhay SBC 5TH SOU MG sa bisa sa warrant of arrest nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte nga gipetsahan Hunyo 17, 2026 nga adunay girekomendar nga piyansa nga P24,000.00.
Ang dinakpan gipahibalo sa hustong hinungdan sa iyang pagkadakop ug mga katungod sa konstitusyon sa usa ka diyalekto nga iyang nasabtan pag-ayo ug naka kustodiya na kini karon sa Dapitan CPS alang sa hustong disposisyon.(MEDALYN U. BORJA)
Source: ZNPPO