Pormal nga gipanalanginan ug giturn-over sa Municipal Government of Sindangan ang tulo ka bag-ong dump trucks nga nagkantidad og kapin ₱9.8 milyon aron mapalig-on ang serbisyo sa lokal nga panggamhanan.
Ang mga bag-ong sakyanan naglangkob sa duha ka 6×4 dump trucks nga nagkantidad og ₱7,715,200 ug usa ka 4×4 mini dump truck nga nagkantidad og ₱2,088,000. Gipangunahan ni Mayor Glona Labadlabad ang turnover ceremony, samtang gipanalanginan kini ni Rev. Fr. Brax.
Sumala sa lokal nga panggamhanan, ang mga bag-ong dump trucks gamiton sa mga proyekto sa imprastraktura, road maintenance, disaster response, ug sa pagpalig-on sa paghatag og batakang serbisyo ngadto sa mga residente.
Gilauman nga pinaagi sa pagdugang sa municipal fleet, mas mapaspas ug mas episyente ang pagpatuman sa mga programa ug proyekto sa Municipality of Sindangan.(IKEN B. GULLEM)
Source: Municipality of Sindangan