Dakpan usa ka mananagat nga pingita sa balaod nga nag atubang sa kasong paglapas sa PD 705 atol sa gikasa nga joint manhunt operation niadtong Hunyo 18, 2026, mga alas 3:25 ang takna sa hapon didto sa Brgy Taguilon, Dapitan City, Zamboanga del Norte.
Ang maong dinakpan nga wanted person nga si alyas “Lito” 64-anyos nga lalaki, biyudo, mananagat ug residente sa Barangay Taguilon, Dapitan City, Zamboanga del Norte,kinsa gidakop tungod sa kalapasan sa PD 705 ubos sa criminal case no. 21157.
Ang pagdakop gihimo pinaagi sa mga operatiba sa Dapitan City Police Station uban sa 1st ZN PMFC, 901st MC RMFB9 ug Mabuhay SBC 5TH SOU MG ,pinasikad sa warrant of arrest nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte nga gipetsahan Hunyo 17, 2026 nga adunay girekomendar nga piyansa nga P24,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO