Nagtingkagol karon sa prisohan ang usa ka Senior citizen nga wanted sa kasong Acts of Lasciviousness homan kini masikop atol sa gipatoman nga Joint manhunt operation sa mga operatiba ,Agosto 27, 2026,didto sa Barangay. Dawo, Dapitan City, Zamboanga del Norte.
Ang maong dinakpan nga senior citizen naila nga usa ka 77-anyos nga lalaki,kinsa gidakop pinaagi sa mga operatiba sa Dapitan CPS, uban sa 1st ZN PMFC, 901st MC RMFB9, ug Mabuhay SBC 5TH SOU MG sa bisa sa warrant of arrest nga gi-isyu sa Presiding Judge sa Regional Trial Court, 9th Judicial Region, Branch 7, Dipolog City, Zamboanga del Norte, nga pinetsahan og Hunyo 29, 2010,nga adunay girekomendar nga piyansa nga nagkantidad og Php 12,000.00.
Ang Dapitan City Police Station nanawagan sa publiko nga magmabinantayon ug i-report dayon ngadto sa mga awtoridad ang bisan unsang kadudahang mga kalihokan.(MEDALYN U. BORJA)
Source: PNP Dapitan City Police Station