Daling girespondehan sa mga personahe sa Bureau of Fire Protection ( BFP) Piñan, Zambonga del Norte, ang usa ka emerhensya nga nalambigit sa usa ka lalaki nga indibidwal kinsa nakasinati ug kalisod sa pag ginhawa didto sa Brgy. North Poblacion Piñan, Zambonga del Norte, Disyembre 21,2025.
Ang maong pag responde gihimo sa pagpangulo ni SFO3 Elmar M. Pagente, Acting Municipal Fire Marshal, kawani sa Shift A EMS.
Sa nasangpit nga insidente gikataho nga ang pasyente nakasinati og kakapoy sa kainit ug kalisod sa pagginhawa human magtrabaho sa ilang mini-grocery store sa nahisgutang lugar nga anaa sa kahimtang nga conscious ug ambulatory, naglingkod sa gawas sa iyang pinuy-anan uban sa anak niini nga lalaki ug umagad nga babaye.
Gilayon nga nagpakitabang kini ngadto sa Shift A EMS personnel ug pag-abot sa lugar, gisiguro ang lugar aron masiguro ang kaluwasan sa mga responders ug sa pasyente ug gihimo gilayon ang pag-obserbar sa tukma nga BSI precautions ang pasyente homan gitabangan sa pagkarga sa ambulansya alang sa dugang nga pagdumala.
Ang pasyente luwas nga nadala sa Piñan District Hospital ug gitugyan ngadto sa mga ER Nurse alang sa dugang ug husto nga pagsusi, pagtambal ug pag atiman sa pasyente.(MEDALYN U. BORJA)
Source: BFP R9 Piñan Zambonga del Norte