Boluntaryong gi-surrender sa usa ka indibidwal ang usa ka dili lisensyado nga armas ngadto sa mga personahe sa kapulisan atol sa gipatoman nga house-to-house operation mga ala 1:55 sa hapon niadtong Mayo 29, 2026, didto sa Barangay Kipit, Labason Zamboanga del Norte.
Ang maong indibidwal kinsa boluntaryong mitahan sa dili lisensyado nga armas gihulagway nga usa ka improvised shotgun nga adunay mga bala.
Ang pag surrender sa nasangpit nga loosed fire-arm gihimo pinaagi sa mga personahe sa Labason Municipal Police Station (MPS) sa pagpatuman sa Republic Act 10591 (Comprehensive Firearms and Ammunition Regulation Act).
Giturn-over na ang nasangpit nga armas ug anaa na sa kustodiya sa Labason MPS alang sa tukmang disposisyon ug dokumentasyon.
Pabilin ang Labason MPS sa pasalig sa pagmintinar sa kalinaw ug kahapsay pinaagi sa pagkunhod sa mga loose firearms sulod sa komunidad pinaagi sa padayon nga pakiglambigit ug aktibong pagpatuman.(MEDALYN U. BORJA)
Source: PNP Labason MPS