Luwas nga nahiuli si Kissy Reducto nga usa ka 16 years old ug taga Lower Irasan, Roxas, Zamboanga del Norte.
Daku ang pasalamat sa mga nakakita sa maong dalaga ang pamilya sa mga tawong mitabang nga makita ug nag ampo nga luwas ra gayud ang sitwasyon sa dalagita nga 3 na ka adlaw nga nawala ug gikagubtan sa mga katawhan nga gikatahong nawala.
Kahibaloan didto kini nasigpatan sa Sitio Mamara, Canibongan, Roxas, Zamboanga del Norte.
Ang pamilya daw naibtan sila ug tunok sa kalipay nga nakita ra gayud nila ang ilang anak nga 16 anyos. Tanang kabalaka ug kaguol napihan ra gayud sa kalipay sa dihang nakita na ang dalagita nga luwas pinaagi sa mga nagpakabana nga grupo sa mga kabatan onan didtong dapita, nga ang tumong lamang sa pagtabang nga makita ug luwas nga makauli sa pamilya. (Angelica T. Obina)
(Source: ZNPPO)