Bugnaw nga prisohan ang gipadulngan karon sa usa ka bokalista sa banda, homan kini masikop ug makumpiskahan sa kapulisan ug mobalor sa kapin P300,000 ka pesos nga kantidad sa ilegal nga drugas atol sa gikasa nga drug buy-bust operation pasado alas 10:45 ang takna sa kagabhion niadtong Hunyo 20,2026, didto sa Purok 5, Brgy.Santa Isabel, Dipolog City, Zamboanga Del Norte.
Ang maong dinakpan naila nga si alyas “Dale” ,36 anyos, lalaki, band vocalist, ulitawo,bag-ong giila nga HVI ug residente sa Minaog, Dipolog City Zamboanga del Norte kinsa gidakop pinaagi sa mga operatiba sa SOU 9 (Lead unit) kauban ang mga elemento sa Dipolog City Police Station, PDEA Zamboanga Del Norte, 5th SOU, Mabuhay Special Boat Crew PNP Maritime.
Atol sa operasyon nakumpiska gikan sa suspek ang pinakete sa gituohang shabu nga mutimbang sa 5 gramo nga adunay kantidad nga P374,000.00 lakip ang mga butang nga dili druga.
Ang dinakpan nga suspek gipahibalo sa hinungdan sa iyang pag-aresto ug mga katungod sa konstitusyon sa usa ka pinulongan nga iyang nasabtan ug gitugyan ngadto sa Dipolog CPS alang sa tukmang disposasyon.
Samtang ang mga nakompiska nga drug evidence dad-on sa Brgy.Minaog Dipolog Zamboanga del Norte Forensic Unit alang sa forensic examination.(MEDALYN U. BORJA)
Source: COP, Dipolog CPS