Gapahigayon na usab pagturn-over sa unom ka lainlaing mga proyektong pang-imprastraktura ang malampusong gilusad kaniadtong Pebrero 26, 2025, didto gitukod sa lainlaing lugar dinhi ning sa siyudad.
Ang maong mga proyekto mao ang 1.) Concrete Paving of Diwan Proper to Cayasan Barangay Road nga adunay pahat nga (₱13,499,232.45) ka pesos gikan sa 2023-20% Development Fund, 2.) Rehabilitation/Improvement and Concrete Paving along Diwan Proper to Cayasan Road nga gipahatan usab og (₱4,350,605.06) ka pesos, gikan sa 2022-20% Development Fund 3.) Concrete Paving of Road leading to Dipolog Memorial Garden, Barangay Gulayon nga gigahinan usab og (₱4,658,291.10) ka pesos, 4.) Construction of Additional 100 Units of Perimeter Niche at Dipolog Memorial Garden nga gigahinan usab og (₱1,158,500.00) ka pesos, 5.) Concreting of Road at Purok Orchid,Barangay Gulayon nga aduna usa’y pahat nga (₱1,047,285.66) ka pesos, ug ang 6.) Opening of PCCP Road (COA Regional Training Building) nga gigahinan usab og (₱1,664,420.94) ka pesos, nga nag-gikan sa panudlanan ning dakbayan ilawom sa 2024- 20% Development Fund.
Ang mga nasangpit nga pag Turn-Over Ceremony ang gipanguluhan sa Mayor ning dakbayan si City Mayor Darel Dexter T. Uy, inubanan sa City Planning and Development Coordinator, Engr. Albert S. Alimpulos,mga personahe nga gikan sa City Engineering Office ning dakbayan,anaa usab mitambong ang mga kapitanes sa matag barangay niining mga proyektuha kuyug sa mga opisyales niini ug mga lumulopyo sa mga nasangpit nga mga kabarangayan.
Kahibaloan ang administrasyon karon nga ubos sa pagdumala ni Mayor Uy ang walay puas ug paghimo sa mga nagkaraiyang proyekto dinhi ning siyudad diin gikahimuot kini ug daku sa mga katawhan sa nahisgutang kabaranggayan, nga matud pa tataw kaayo nila ang kalamboan sa dakbayan sa Dipolog.(Angelica T. Obina)
Source: DIPOLOG CITY INFORMATION OFFICE