Nasakmit sa awtoridad ang PHP 1.3 milyones nga kantidad sa ilegal nga drogas nga shabu atol sa nagkalain-laing operasyon sa dakbayan sa Sugbo, Pebrero 27, 2025, sumala sa report sa Police Regional Office 7 (PRO7).
Ang maong gihan-ay nga mga operasyon gipahigayon sa nagkalain-laing dapit sa Cebu City aron mapalig-on ang paningkamot batok sa pagpayuhot sa ilegal nga drogas ug pagpalambo sa kaluwasan sa komunidad. Tungod niini, daghang nadakpan ug napamatud-an ang lig-on nga aksyon sa kapulisan aron mapukan ang ilegal nga kalihukan sa rehiyon.
Sa Pebrero 26, 2025, alas 10:00 sa gabii, ang Station Drug Enforcement Unit sa Police Station 6, Cebu City Police Office (CCPO) naglusad og buy-bust operation sa Magsaysay Street, Barangay Suba.
Gidakop sa maong operasyon ang usa ka 38-anyos nga walay trabaho, ug nakuha gikan kaniya ang 150.18 gramos sa shabu nga nagkantidad og PHP 1,021,224.00 ug uban pang drug paraphernalia.
Sa laing operasyon, Pebrero 27, 2025, alas 1:05 sa kaadlawon, ang Station Drug Enforcement Unit sa Police Station 4, CCPO mipahigayon og buy-bust operation sa Sitio Lower Laguerta, Barangay Lahug.
Nadakpan sa maong operasyon ang usa ka high-value target nga nasikop nga may dala nga 50.3 gramos nga shabu nga nagkantidad og PHP 342,040.00.
Ang mga nadakpan kasamtangang gibalhog sa kapolisan ug atubangon ang kasong may kalabutan sa Comprehensive Dangerous Drugs Act.
Source: PRO7-PIO
I via Renante Socia Lada