Usa ka tindero og piniritong manok ang gipusil patay sa duha ka riding in tandem. Didto kini sa F. Ramos Street, Barangay Sta. Cruz, Cebu City, udto sa Pebrero 27, 2025.
Ang biktima giila nga si Jade Mark Dungog, kinsa napusilan sa lawas ug namatay diha-diha dayon.
Sumala sa imbestigasyon, ang mga suspek miduol sa biktima samtang nagtrabaho kini sa iyang tindahan ug kalit lang nga mipabuto og pusil. Human sa insidente, dali silang mipalayo, hinungdan nga wa dayon maila ang ilang pagkatao.
Padayon karon ang imbestigasyon sa Cebu City Police Office (CCPO) aron matino ang motibo sa krimen ug madakpan ang mga responsable. Nanghinaut usab ang pamilya sa biktima nga makab-ot ang hustisya.
Ang insidente nakapukaw og kabalaka sa mga residente ug negosyante sa maong dapit, nga nanawagan sa mga awtoridad nga mas lig-onon pa ang seguridad sa lugar.
📸 CTTO
I via Renante Socia Lada