DIPOLOG CITY — Gipangunahan sa UNICEF ang tulo ka adlaw nga workshop alang sa paghimo sa Early Childhood Care and Development (ECCD) Roadmaps nga gipahigayon sa Top Plaza Hotel ning dakbayan sa Dipolog.
Gitambongan kini sa mga representante gikan sa probinsya, syudad, ug mga lungsod, lakip ang sektor sa social welfare, health, interior and local government, ug planning aron mapalig-on ang koordinasyon sa mga programa alang sa kabataan.
Girepresentar ni Marilou Y. Calibo ang opisina ni Governor Darel Dexter T. Uy, samtang si Atty. Jonald C. Napigquit mitambong alang sa syudad sa Dipolog.
Tumong sa workshop ang pagpaila sa ECCD System Law, pagsusi sa kahandam sa mga LGU, ug paghimo og plano aron mas mapalig-on ang pag-atiman ug pagpalambo sa mga bata sa probinsya.(JENNIFER JR. DELICA)
Source: Dipolog City Government