DIPOLOG CITY — Nakadawat og ₱5,000 fuel subsidy ang matag tricycle driver ug operator nga miyembro sa TODA o Tricycle Operators and Drivers Association sa dakbayan sa Dapitan ug Dipolog atol sa distribusyon nga gipahigayon sa Convention and Sports Center.
Gidumala sa DSWD ang kalihokan nga gisugdan sayo sa buntag hangtod hapon aron masiguro ang hapsay ug organisadong paghatag sa ayuda sa tanang kwalipikadong benepisyaryo.
Sumala sa mga drayber, dako nga tabang ang subsidy ilabina karon nga nagkataas ang presyo sa krudo, nga direktang nakaapekto sa ilang adlaw-adlaw nga kita.
Kabahin kini sa programa sa gobyerno sa pagsuporta sa sektor sa transportasyon, samtang hugot usab nga gipatuman ang Anti-Epal Law aron masiguro ang limpyo ug patas nga paghatag sa ayuda.(JENNIFER JR. DELICA)
Source: Zamboanga del Norte Provincial News Network