DIPOLOG CITY — Gidapitan sa mga representante sa National Historical Commission of the Philippines (NHCP) ang Quezon Bridge aron susihon kini isip posibleng heritage site sa syudad.
Una silang mibisita sa City Mayor’s Office diin ilang gihisgutan ang kahimtangan sa mga historical landmark uban kang Acting City Mayor Senen O. Angeles ug ubang city officials.
Human sa miting, diretso nga gihimo sa delegasyon ang site inspection sa Quezon Bridge isip kabahin sa ilang evaluation alang sa posibleng heritage designation.
Sumala sa NHCP, ang maong lakang kabahin sa paningkamot sa pagpreserba sa mga importanteng estruktura ug kasaysayan sa Dipolog City.(JENNIFER JR. DELICA)
Source: Dipolog City Government