Ang Office of the Provincial Agriculturist (OPAG) pinaagi sa Zamboanga del Norte Agricultural Extension (ZNAg) Program sa unang higayon ang adunay mushroom production sa Nabilid, Roxas nga sulod lamang sa 3 ka adlaw mi-ani gilayon ang Nabilid Homestead Planters Association nga maoy gihatagan sa maong proyekto.
Matud pa sa Laboratory In-Charge sa Mushroom Production ug Mushroom Technician sa OPAG Â Maricel Salvo, nga kaniadtong Marso 20 ning tuiga gihandusan na sa fruit bags sa mushroom ang nasangpit nga kahugpongan.
Diin, human sa 3 ka adlaw naka-ani gilayon ang kababayen-an sa 67.2 kilos.
Sumala pa ni Salvo nga sa 67.2 kilos nga mushroom, mihalin kini sa Php13,440.
Si Irene Obafial Tilacas, President sa Nabilid Homestead Planters Association mipadangat sa iyang pagpasalamat kagamhanang probinsyal sa gihatag niining proyekto sa 45 ka membro sa naasoy nga grupo.
Dugang pa nga milahutay ang mga kababayen-an sa maong mushroom cultured production, tungod kay gawas sa landong nga lugar ang  pagtrabaho sa maong proyekto adunay dugang panginabuhian usab kini sa matag pamilya.
Samtang si Mary Sandy Edriyal, usa sa mga membro sa  Nabilid Homestead Planters Association mipadayag sa iyang dakong pagpasalamat sa mga kawani sa OPAG nga mihatag sa proyekto  ngadto kanila.
Gawas sa ilang kita sa matag membro sa kahugpongan, makakaon usab ang mga kabataan sa mushroom ilabina kon ipa-deep-fry kini sa pagluto nga maoy ilang paborito.
(Source: Provincial Information Center ZaNorte Facebook page)
