Pormal nga gibuksan ang pinakaunang Marian Exhibit sa pagpasidungog sa Mahal nga Birhen Nuestra Señora Del Pilar niadtong Oktubre 1 didto sa St. James the Greater Parish Auditorium sakop ning Dakbayan sa Dapitan.
Nagkalain-laing mga imahe ug rebulto sa Mahal nga Birheng Maria and gipahimotang arong masaksihan sa mga deboto ug sa publiko. Ang maong mga imahe gipanag-iyahan sa mga indibidwal, nga pamilya ug mga kahugpungan nag debosyon sa Mahal nga Birheng Maria.
Human sa usa ka santos nga misa nga gisaulog ni Rev. Fr. Patrick Dalangin, ang Kora Paruko sa St. James the Greater Parish, gipahigayon ang usa ka ribbon cutting ug pagbendisyon sa mga imahe nga gitambungan sa mga parokyano ug mga deboto sa syudad.
Kining naasoy nga exhibit gipaluyohan sa parokya sa Dapitan ingon man sa Cofradia de Santiago Apostol de Dapitan nga molungtad hangtod sa ika-10 sa Oktubre ning tuiga.
Source: DAPITAN CITY INFORMATION DIVISION Facebook page
