Human sa pipila ka oras nga follow-up operation sa Mandaue City Police Office ilang nasikop ang suspetsado nga nidunggab patay sa usa ka Mekaniko.
Pasado alas 2:30 sa hapon, Oktobre 2, 2022, didto sa Barangay Catarman, Lungsod sa Liloan, Probinsya sa Sugbo, nasikop ang Mamumuno.
Ang Suspetsado giila nga si Juven Cusil Reyes ,34 anyos ang panuigon, paintor, lumad nga taga Lungsod sa Kalawit, Zamboanga Del Norte.
Mahinumduman nga napalgang patay si Eric Cabaluna Ocañada, 48 anyos ang pangidaron, residenti sa Barangay Jaclupan, Siyudad sa Talisay.
Didto sulod sa Bank House sa Iterciti Trucking Corporation, Brgy.Cabancalan, Dakbayan sa Mandaue, pasado alas 9 kagahapon sa buntag.
Segon sa kapulisan sa MCPO nga ilang nadawat ang maong alarma sa krimin pinaagi sa taho sa witness nga si Dionisio Gano, 43 ang edad, Driver ug nagpuyo sa lugar diin nahitabo ang krimin.
Nakit-an ni Gano nga nag buy-od nga wala nay kinabuhi ang biktima nga nakahiagom og mga samad dinunggaban sa lawas.
Diin si Reyes maoy gituhuan nga nagbuhat sa maong pangpanunggab sa biktima.
Sa inabtik nga pag respondi sa maong krimin daling nasikop sa kapulisan sa MCPO ang mamumuno.
Padayon karon ang imbestigasyon sa maong krimin aron pagsuta kung unsay motibo sa pagpanunggab patay sa Driver sa usa ka Trucking Services.
Giandam na usab sa kapulisan ang kasong murder batok ni Reyes.
Source/Photo: MCPO
via Renante Lada
