Gitapos pinaagi sa awarding ceremony ang unang Dapitan Heritage Half Marathon 2026 diin gipasidunggan ang mga mananaog ug halos 2,000 ka mga partisipante nga malampusong nakahuman sa 5K, 10K ug 21K nga mga kategorya.
Sa iyang mensahe, gidayeg ni Vice Mayor Gabriel M. Cad ang determinasyon sa tanang kampyon ug mga finisher, samtang gipasalamatan usab niya ang mga partisipante, organisador, partner ug mga supporter nga mitampo sa kalampusan sa maong kalihokan.
Labaw pa sa usa ka lumba, nahimong kasaulogan sa kahimsog, panulondon ug panaghiusa sa mga Dapitanon ang unang Dapitan Heritage Half Marathon nga kabahin sa selebrasyon sa Kinabayo 2026.
Gilauman nga ang kalampusan sa maong marathon magpadayon sa pagdasig sa daghang katawhan sa pag-apil sa mga kalihokang nagpalambo sa kahimsog, turismo ug pagpasidungog sa kasaysayan sa Dakbayan sa Dapitan.(JENIFFER JR. DELICA)
Source: Dapitan City Government