Gisugdan kaniadtong Pebrero 2 ang unang adlaw sa lima ka adlaw nga Internal Security Operations (ISO) Training and Refresher nga nagtumong sa pagpalig-on sa kahibalo ug kahanas sa mga partisipante sa aspeto sa operasyon ug seguridad.
Sa unang adlaw, gituki sa lawom ang Operations Order (OPORD) Overview, Drone Operations para sa Intelligence, Surveillance, and Reconnaissance (ISR), ug Threat Analysis and Intelligence. Pinaagi sa serye sa mga diskusyon ug presentasyon, nakakuha ang mga partisipante og mas lawom nga pagsabot sa hapsay nga pagplano sa operasyon, hustong paggamit sa drone technology.
Gipaabot sa mga facilitator nga ang unang adlaw nagsilbing pundasyon sa mosunod pang mga sesyon, nga magpokus sa praktikal nga aplikasyon ug pagpalig-on sa koordinasyon aron masiguro ang epektibo ug responsableng pagpatuman sa internal security operations.(IKEN B. GULLEM)
Source: Zamboanga del Norte 2nd PMFC