Gidayeg sa Police Regional Office 9 kagahapon, Pebrero 02, ang kaisog ug sakripisyo sa siyam ka pulis nga personnel gikan nila nga nalambigit sa trahedya sa paglunod sa passenger vessel MV Trisha Kerstin 3 sa kadagatan duol sa Basilan niadtong Enero 26, 2026.
Ang mga pulis, sakop sa 905th Maneuver Company sa Regional Mobile Force Battalion 9, nagpakita og kalig-on ug presensya sa hunahuna sa dihang miatubang sila sa emerhensiya, diin ilang gitabangan ang ubang pasahero bisan pa sa peligro sa ilang kaugalingong kinabuhi.
Sumala kang Police Brigadier General Edwin A. Quilates, Regional Director sa PRO9, ang binuhatan sa mga pulis nagpakita sa pinakataas nga mithi sa Philippine National Police—ang pagpanalipod sa kinabuhi ug pag-alagad sa katawhan bisan lapas sa tawag sa katungdanan, samtang nagpadayon ang PRO9 sa paghatag pasidungog ug pagpakita og respeto sa mga biktima sa maong trahedya.(JENIFFER JR. DELICA)
Source: Police Regional Office 9