Gipangunahan ni Mayor Belen Uy, kauban si OIC City Administrator Danilo S. Areños, Jr., ang February Executive Meeting sa City Government of Dapitan nga gihimo sa Amphitheater, Government Center, kagahapong adlawa, Pebrero 2, 2026.
Girepaso sa miting ang kahimtangan sa mga programa ug isyu sa nagkadaiyang opisina, uban sa updates gikan sa mga department head sa ilang mga aksyon ug solusyon.
Gilunsad usab ang usa ka sistema nga nag-assign og focal person sa tanang Programs, Projects, ug Activities (PPAs), lakip ang regular monitoring aron masiguro ang hapsay ug tukmang pagpatuman.
Tungod sa maong sistema, napaspasan ang pagbalhin sa temporary public market, nadugangan ang ICT equipment sa pipila ka opisina, ug malampusong nalunsad ang “20 Bigas” program.
Samtang, padayon nga ginapalig-on sa City Government ang episyente nga pagdumala aron mas mapalambo ang serbisyong publiko ug matuman ang panan-awon sa Bag-ong Dapitan.(IKEN B.GULLEM)
Source: City Government of Dapitan