Gipakita sa mga empleyado sa munisipyo sa Leon B. Postigo ang ilang disiplina, panaghiusa ug kusog sa pag-alagad sa katawhan pinaagi sa ilang partisipasyon sa Saludo Competition niadtong Septiyembre 14, 2026, isip kabahin sa selebrasyon sa Philippine Civil Service Week nga selebrasyon nga gipahigayon sa Dapitan.
Girepresentahan sa Union of Leon B. Postigo Municipal Employees (ULPME) ang lungsodnong serbisyo publiko sa maong kalihokan diin ilang gipakita ang koordinasyon ug espiritu sa pagtinabangay taliwala sa mga kawani sa lokal nga pangagamhanan.
Dili lamang trabaho sulod sa opisina ang ilang gipasiugda, kondili apil usab ang pagkahiusa ug dedikasyon sa pagserbisyo sa komunidad.
Pinaagi sa maong kompetisyon, napakita sa ULPME nga ang espiritu sa serbisyo publiko mahimong mapalig-on pinaagi sa panaghiusa, disiplina ug aktibong partisipasyon sa mga kawani.(MEDALYN U. BORJA)
Source: McLeo Cabilin