Nagkahiusa ang City Government of Dipolog ug World Wide Fund for Nature o WWF pinaagi sa One City Planet Meeting nga gipahigayon niadtong September 15, 2026 sa Dipolog City Hall.
Gipangulohan ang miting ni WWF Project Coordinator alang sa One Planet City Challenge o OPCC Ms. Julia Basangan ug WWF Project Manager Ms. Imee Belen, uban ang mga department heads ug representatives sa City Government of Dipolog.
Gihimo ang maong miting isip venue aron mapalig-on ang partnership tali sa lokal nga pangagamhanan ug WWF, ilabina sa mga inisyatibo nga nagtumong sa mas responsable ug malungtarong pagpalambo sa syudad.
Gihisgutan usab ang padayong pagtinabangay sa duha ka grupo aron masuportahan ang mga programa alang sa sustainable ug environmentally responsible nga urban development sa Dipolog City.(JENIFFER JR. DELICA)
Source: Dipolog City Government