Daling giposasan ang usa ka ulitawo human kini maaktohe nga nagsuyop ug iligal nga droga didto sa Barangay Guinles sakop sa lungsod sa Polanco, Zamboanga del Norte, karong bag-o pa lamang.
Ang suspetsado giila nga si Rogen Obial Loguin, 25 anyos, ulitawo ug lomolopyo sa nahigotang lugar.
Samtang ang mga nakaikyas gipang-ila usab nga sila si alias “Badoy Pandan”, Arnold Baroro alias “Dondon”, alias “Payos”, alias “Pancho” ug alias “Arjay”.
Nakuha gikan sa posisyon ug control sa suspetsado ang 2 ka putos sa drogang shabu nga motimbang ug 0.5 grams ug adunay street value nga mobalor ug P2,040.00, ug mga drug paraphernalias.
Angay masayran nga maong nasakpan ang mga suspek sa ilang iligal nga binuhatan dihang usa ka confidential informant ang nagpahibalo sa mga otoridad nga nagpot session ang mga suspek didto sa nahisgotang kugar.
Kasong pagyatak sa RA 9165 o mas nailang Comprehensive Dangerous Drugs Act of 2002 ang ipasaka batok sa suspetsado lakip na ang lima ka mga kauban nga nakasibat.
Source:POLANCO MPS SPOT REPORT