26.4 C
Manila
Wednesday, June 7, 2023

Cebu: PDEA-7 misunog sa kapin P99 million nga balor sa nasakmit nga illegal nga mga drugas

- Advertisement -

Cebu City- Mokabat sa kinatibuk-ang P99.6 million nga kantidad sa illegal nga drugas ang gisunog, Lunes,Mayo 30, sa usa sa mga funeral homes sa syudad sa Sugbo aron malikayan ang recirculation sa local market.

Ang mga drugas naglakip sa P90.7 nga kantidad sa shabu nasakmit atol sa joint operations sa Philippine Drug Enforcement Unit Central Visayas (PDEA-7) ug sa Philippine National Police (PNP) sa miaging 11 ka tuig.

Gihipos kini sa PDEA-7 custodial facility isip ebidensya samtang pending pa ang mga kaso sa drug couriers sa korte.

Matod ni Levi Ortiz, PDEA-7 director, gidili sa balaud ang pag recycle sa mga nasakmit nga mga drugas, ug aron mapakgang kini nga mahitabo, ilang gisiguro ang sakto ang secure sa ilang custodial facility.

Ang maong pasilidad gi secure pinaagi sa pag gamit ug tulo ka mga locks nga na assign sa tulo ka mga lain-lain indibidwal alang sa safekeeping ug dili kini maablihan kung walay court order.

Thermal Decomposition
Adlawng Lunes, ang PDEA-7 maoy nangulo sa pag dispose sa mga nasakmit nga mga drugas nga naglakip sa 13 ka kilo nga shabu nga mobalor ug P90.7 million; 74 ka kilo nga marijuana nga mobalor ug P8.8 million, ug upat ka kilo nga ephedrine nga mokantidad ug P7,097.

Ang maong mga drugas gi dispose pinaagi sa thermal decomposition gamit ang taas nga degree sa temperature.

Gibutyag sa PDEA-7 nga luwas ang maong proseso tungod kay ang thermal decomposition machines equip sab kini ug scrubber nga maka wagtang sa baho nga mahimong masimhot sa mga naa sa dool.

Gipahibaw ni Ortiz nga magpadayon sab silang makig coordinate sa kagamhanan sa syudad sa Sugbo sa ilang request ug assistance sa planong pagpanag-iya ug ilang kaugalingong thermal decomposition facility;

Gumikan kay wala pa sila niini sa pagka karon, migamit sa sila sa pasilidad nga naa sa Cosmopolitan Funeral Homes sa downtown area sa syudad.

Support sa Komunidad
Samtang, si Ortiz ug Judge Pamela Baring-Uy sa Regional Trial Court sa dakbayan sa Sugbo, kinsa mi witness sa pagsunog sa mga illegal nga drugas nagkanayon nga ang anti-drugs campaign dili molampos kung walay supporta sa komunidad.

Nanawagan ang duha ka mga opisyal ngadto sa mga Sugboanon nga makig coordinate sa law enforcement agencies aron ang Sugbo mahimong luwas ug secure nga lugar.

Suma pa ni Ortiz nga so far malamposon sila paghimo ug β€˜dent’ ngadto sa supply sa illegal drugs sa local market.

β€œSauna dagko kay tag makuha, kilo-kilo. Karon ginagmay nalang. Ni lessen gyud ang flow sa market sa drugs particularly shabu diri sa region 7… hopefully maminus ona nato puhon with the help of everyone,” saysay ni Ortiz.

l via Jhon Tadlip

Source/Photo: PDEA-7

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -