Dipolog: Two Units Motorized Boats And Palangri Went To Dipolog Guard Sea Association

By
RPN Social
-
0
240

Malipayong gilugway ni City Mayor Darel Dexter T. Uy ang “Certificate of Award” sa duha ka unit nga “motorized fishing” bangka lakip na ang “long line fishing gear” kon palangri ngadto sa Dipolog Batay Dagat Association kaniadtong adlaw’ng Biyernes, Oktubre 22 ning tuiga didto sa Dipolog Lighthouse, Boulevard Complex, ning dakbayan. Ang maong kalihokan ang gipangunahan sa buhatan sa City Agriculture ubos sa pagdumala ni City Agriculturist, Engr. Kerr N. Porlas.

Ang nasangpit nga kalihokan ang gitambongan ni City Mayor Darel Dexter T. Uy, kinsa mihatag sa iyang hamubong mensahe kabahin sa importansya sa atong responsibilidad nga mapanalipdan ang kadagatan batok sa mga makalapas niini pinaagi sa mga bag-ong teknolohiya.
Lakip usab sa mitambong sila si kanhi Regional Director sa BFAR IX, Dir. Virgilio Alforque, Chairman ug Vice Chairman sa Committee on Agriculture and Food nga sila si konsehal Maynard R. Baes ug Praxides P. Rubia ug City Agriculturist, Engr. Kerr N. Porlas, kinsa mihatag usab sa ilang mga mensahe uban ni CDRRMO Emergency Operations Center Manager Mr. Bryan A. Jauculan ug AT-Fish Warden, Mr. Rosario T. Taruc.

Tumong sa maong paglugway mao nga paga-gamiton ang nasangpit nga mga ekipo alang sa “livelihood fishing support” uban sa implementasyon sa seguridad sa “Don Reef Marine fish sanctuary”. Nasayran nga ang barangay nga gilangkoban sa maong asosasyon mao ang Brgy. Barra, Minaog, Sicayab, Galas, Miputak ug Olingan.

(Source: City Information Office | Dipolog City Government Facebook page)

Leave a Reply