Subay sa gisunod sa special order nga gipagawas sa Department of Natural Resources, nga nagtudlo ug mga Officers-in Charge (OICs) sa nagkadaiyang posisyon aron masiguro ang padayon ug episyenteng operasyon sa rehiyon, nagpahigayon ang DENR Region IX ug turn-over ceremony sa mga bag-ong gitudlong opisyal sa Grand Astoria Hotel, Zamboanga City.
Gitudlo isip OIC Regional Executive Director si Director III Marie Angelique C. Go. Samtang si PENR Officer Diomides M. Pablo nahimong OIC Assistant Regional Director for Management Services ug si PENR Officer Cidur S. Julsadjiri isip OIC Assistant Regional Director for Technical Services. Sa field level, gitudlo si CENR Officer Jaime C. Salvador isip OIC PENRO sa Zamboanga del Norte.
Daghang CENROs usab ang gihatagan og bag-ong OICs, lakip na sila Eugene S. Celi sa Liloy, Attorney Kym Ashley Oledan-Villareal sa Manukan, Maribel G. Acama sa Piñan, ug Expedito R. Flores sa Zamboanga City.
Ang seremonya gitambongan sa mga opisyal sa Regional Office, representante sa Environmental Management Bureau (EMB), tanang PENROs ug CENROs, ug uban pang awtorisadong kawani.
Kini nga turn-over ceremony nagtimaan sa opisyal nga pagpanubli sa responsibilidad sa mga bag-ong opisyal ug nagpamatuod sa padayon nga paningkamot sa DENR Region IX alang sa maayong pamalaod, hapsay nga transisyon sa pagpangulo, ug lig-on nga pagpanalipod sa kalikopan sa Zamboanga Peninsula.(IKEN B. GULLEM)
Source: DENR ZAMBOANGA PENINSULA