Gipahigayon sa Dapitan City Fire Station ang ilang bulanang Physical Fitness Test niadtong nilabay nga adlaw, ubos sa pangulohan ni FSINSP Rommel M. Rojas, REE, Acting City Fire Marshal, aron masiguro ang kahimsog ug kahandam sa tanang kawani sa bombero.
Gisukod sa kalihokan ang pisikal nga abilidad sa mga personnel pinaagi sa push-ups ug sit-ups para sa kusog, endurance run para sa kalig-on, ug 50-metro nga hose dash nga naggamit og 2.5 ka pulgada nga hose alang sa mga lalaki ug 1.5 ka pulgada alang sa mga babaye, isip simulasyon sa aktuwal nga sitwasyon sa emerhensiya.
Ang regular nga pagpahigayon sa Physical Fitness Test nagpamatuod sa padayon nga paningkamot sa Bureau of Fire Protection sa pagmintinar og lig-on, disiplinado, ug andam nga pwersa nga makatubag dayon ug epektibo sa tanang emerhensiya alang sa kaluwasan sa komunidad.(JENIFFER JR. DELICA)
Source: BFP R9 Dapitan City Fire Station